امي النور كله...!!!!

اُمّـي الـنـور كِـلـّه و تِـضـوي هـذا الكـون
و نـور الـدِنـية اُمّـي و هِـيّ شَـمعَـتـهة

تـَحَـت رجـليَـهة جَـنـّة يگـول رَب الـكـون
إذن حَـتـّى الجـِنان اُمّـي أحـلـة مِـن عِـدهـة

جَـنـّة مِـن الإلـه و تِـمـشي فـوگ الگاع
و بـغـيـر حـساب إحـنـة نـفـوت جَـنـّـتـهـة

البـيَـت خِـلاف اُمّـي يـصيـر وَحـشـة البـيَـت
ما يـِنـطـَب البـيـت خِـلاف ريـحَـتـهة

والله بـگـَعْـدَت اُمّـي البـيـت جَـنـّة يـصيـر
و يـِنـزار المـكـان البـيـه گـَعْـدَتـهة

اُمّـي بِـالصَـلاة مِـن تِـدعـي رَب الـكـون
ما تِـدعـي لنـَـفِـسْـهة إلـنـة دَعْـوَتـهة

تِـشِـيـل الإيـد تِـدعـي و الدَمِـع شَـلاّل
ما تِـگـدَر تِـشِـيـل الـگـاع دَمـعَـتـهة

تـاج الشَـرَف اُمّـي و لِلـشَـرَف تـاج
و يـِلـتـاذ الشَـرَف كِلـّه و يـِگـعِـد بـسِـدْهة

إذا آنـي إبـِنـهة و تِـستِـحـي يا نـاس
تِـخجَـل ما تِـذِب گِـدّامـي شـيَـلـَـتـْهة

اُمّـي مِـن زَعَـلـْـهة يـِزعَـل الرحـمن
و يـِرضَـة عَـليـنـة رَبْـنـة مِـن رِضايَـتـْهة

اُمّـي خِـلاف اُمّـي الـرّوح هـاي إتـّيـِه
يـاهُـو بحال الـرّوح و مِـن هُـوْ يـِرشِـدْهـة

تِـطـَشّـرنـة الـدُروب و نِـرجَـع إحـنـة شـلـون
تـَحَـت سِـتـْر العَـبـايَـة إلـ اُمّـي لِـبْسَـتـْهة....... I love you